Si Romeo Palustre Peña o Rom Peña ay makata, nobelista, kuwentista at mananaliksik tubong Bondoc Peninsula (partikular sa Bayan ng Catanauan) sa Lalawigan ng Quezon. Nagtapos siya ng MAF Malikhaing Pagsulat at PhD Philippine Studies major in Literature sa UP Diliman. Napiling fellow sa UST National Writers Workshop (2008), UP-DFPP Palihang Rogelio Sicat (2009), Iligan Writers Workshop (2010), Iyas Writing Workshop (2011) at UP National Writers Workshop (2018). Naparangalan ang mga akda niya sa mga timpalak pampanitikan sa Pilipinas at Japan. Nailathala rin ang kaniyang mga akda sa mga antolohiya ng tula, kuwento at sanaysay sa loob at labas ng bansa. Ang kaniyang kuwentong pambata na may pamagat na The Grandson of the Bayawak ay inilathala ng Lotus Magazine na nakabase sa Cairo, Egypt noong 2017 at ang nobela niyang Isang One Dalawang Zero ay inilathala ng Visprint noong 2018. Kasalukuyan siyang Full Professor ng panitikan at malikhaing pagsulat sa College of Arts and Letters ng PUP habang pinamumunuan ang Center for Social History na isa sa mga research center ng unibersidad. Nagtungo siya sa Kagoshima University sa Japan para maging lecturer sa Regional Development International Program noong 2019. Siya ay kasalukuyang Assistant Secretary ng National Committee on Language and Translation (NCLT) ng National Commission for Culture and the Arts (NCCA). Naging tagapagsalita/tagapagsanay na rin siya sa Continuing Professional Development Training for Teachers in the Special Program in the Arts (Literary Arts) ng Department of Education (DepEd) noong 2016 at sa iba pang mga palihan, kumperensiya at lektura sa malikhaing pagsulat at panitikan sa loob at labas ng bansa.

Mga Piling Akda: 

  1. Isang One Dalawang Zero (Nobela). Pasay City: Visprint, Inc. 2018.
  2. Ulikba (Tula). Philippines Graphic, November 2019.
  3. Labaha (Tula). Philippines Graphic, November 2019.
  4. The Culture in Filipino Novels in the Early 21st Century in the Philippines (Essay). In M. Salmawy (Ed.), Lotus: Journal of Writers Union of Africa Asia and Latin America. Cairo, Egypt: Writers Union of Africa Asia and Latin America. 2017.
  5. The Grandson of the Bayawak (Short Story for Children). In M. Salmawy (Ed.), Lotus: Journal of Writers Union of Africa Asia and Latin America. Cairo, Egypt: Writers Union of Africa Asia and Latin America. 2016.
  6. Mulang Bondoc Peninsula Patungong Maynila, Mulang Maynila Pabalik ng Bondoc Peninsula at Iba Pang mga Tula (Mga Tula). In Sagupa: Antolohiya ng mga Tula. Maynila: PUP Press. 2016.
  7. Espongha (Kuwento). In R. Tolentino & R. Rodriguez (Eds.), Like/Unlike: Kwentong Facebook Status at Politika ng Agam-agam. Mandaluyong City: Flipside Publishing. 2014.
  8. Villanelle sa Hita (Tula). Liwayway Magazine, Oktubre 2010.
  9. Isem (Tula). Liwayway Magazine, Setyembre 2010.
  10. Laging May Anyaya ang Dilim (Tula). Liwayway Magazine, Setyembre 2010