Evasco, Eugene

0

Si Eugene Y. Evasco ay manunulat, editor, tagasalin, at kolektor ng mga aklat pambata. Kasalukuyan siyang Professor ng panitikan at malikhaing pagsulat sa Departamento ng Filipino at Panitikan ng Pilipinas, UP Kolehiyo ng Arte at Literatura. Ilan sa mga aklat niya ang Mga Pilat sa Pilak: Mga Personal na Sanaysay(UST Publishing House), May Tiyanak sa Loob ng Aking Bag: Mga Tulang Pambata(Anvil), Ang Singsing-Pari sa Pisara(Lampara), Ang Nag-iisa at Natatanging si Onyok(Lampara) at ang salin ng Charlotte’s Web(Lampara) ni E.B. White at The Secret(Anvil) ni Lin-Acacio Flores. Nagwagi siya noong 2014 ng UP Gawad sa Natatanging Publikasyon sa Filipino (Kategorya ng Malikhaing Pagsulat). Naging bahagi siya sa Hall of Fame ng Carlos Palanca Award for Literature noong 2009, dalawang ulit nagwagi ng Grand Prize sa Philippine Board on Books for Young People, Makata ng Taon 2000, National Children’s Book Award, at National Book Award para sa Young Adult Literature. Kasakuluyan siyang Associate ng UP Institute of Creative Writing. Naging Research Fellow siya noong 2016 sa International Youth Library sa Munich, Germany upang manaliksik sa mga aklat pambata na may temang LGBT.