Paanyaya sa Lunsad-Aklat ng “Flight 143: Mga Tula ng Pag-ibig at Paglipad”

Inaanyayahan ang lahat na dumalo sa lunsad-aklat ng librong “Flight 143: Mga Tula ng Pag-ibig at Paglipad” na gaganapin sa ika-23 ng Disyembre, 2018, mula ika-6:30 hanggang ika-9:30 ng gabi. Ang lugar ng aktibidad ay sa Mutya ng Pasig Revolving Tower Penthouse (Market Avenue, Pasig City).

Magkakaroon ng mga pagtalakay sa kani-kanilang malikhaing proseso ng paglikha at pagbasa ng mga tula ang mga manunulat na sina Gerome Nicolas Dela Peña, Danim Majerano, Luiz John Taoc, at Ernesto Deato, Jr. May mga natatanging bilang din na magmumula sa ilang mga manunulat at mang-aawit para sa aktibidad na ito ang dapat na abangan.

Ang librong Flight 143: Mga Tula ng Pag-ibig at Paglipad ay nagkakahalaga ng ₱200.00 bilang launch price para sa mga makadadalo at makabibili ng aklat sa mismong araw ng paglulunsad nito. Matapos ang nasabing araw, magiging ₱275.00 naman ang regular price ng libro.

Upang makapagpareserba ng slot sa mismong paglulunsad, tumawag o mag-text lamang kay G. Gerome Nicolas Dela Peña sa numerong 09466438681 o kay Prof. Danim Majerano sa numerong 09567996265. Maaari rin silang kontakin sa kanilang Facebook accounts.

Hasik: Lunsad-Aklat ng mga Pausbong na Manunulat

Apat na aklat ng mga bagong manunulat ng ating henerasyon ang ilulunsad sa 14 Disyembre 2018, Biyernes, 3pm sa Ninoy Aquino Library and Learning Resource Center (NALLRC), PUP Main Library, Sta. Mesa, Manila.
Ang mga aklat na ito ay ang sumusunod:

Ilang Bitbit sa Pagsagip sa Sarili ni Rommel Fábros Bonus 

Sa koleksiyong ito ng mga creative nonfiction—mulang personal hanggang impersonal—ay tinangkang ikuwento ang hindi na nga dapat kuwento, mga ordinaryong karanasang katulad ng pagkatinik sa lalamunan, karaniwang mga pagkawala tulad ng paglisan ng mga magbabarkada sa kinalakihang bakanteng lote, at paglalakbay sa sariling bayan. At habang nagbibitbit ay mas mapaglilimian ng awtor ang kabalintunaan ng pagbibitbit gayong wala naman talagang nabibitbit sa pagtatangkang ito ng pagsagip sa sarili.
Regular price: 275
Pre-order and launching price: 245

Alikwat ni Natalie Pardo Labang

Ang Alikwat ay binubuo ng mga tulang nailuwal sa pamamagitan ng paghalungkat sa loob at labas ng pagkatao ng makata—mga tulang matagal nang natutulog sa mga kuwaderno sa istante, mga tulang inaalikabok na sa taguan, naalikwat at pinagpagan.
Regular price: 230
Pre-order and launching price: 200

Kung Saan Mang Dulo ni Xeus Dela Cruz Foja

Pinapaksa ng mga tula sa koleksiyon ang konsepto ng paningin (o kawalan nito), pananaw, at pagtula habang sinisiyasat ang saklaw at maging ng mga hangganan nito.

Regular price: 230
Pre-order and launching price: 200

Kislap-Diwa: Mga Pagmumuni sa Panitikan, Pelikula, at Kultura nina EJ Bolata at John Patrick Manio, mga tagapatnugot

Binubuo ang Kislap-Diwa: Mga Pagmumuni sa Panitikan, Pelikula, at Kultura ng mga panunuri at pananaliksik sa mga larang at tema sa panitikan, pelikula, at kulturang Pilipino. Layunin nitong mag-ambag ng mga pananaw, pamamaraan, at materyal sa kasalukuyang lawas ng iskolarsyip sa humanidades at agham panlipunan galing sa mga papasibol na manunulat.

Mga Manunulat:
Jay Israel B. De Leon, Ezjae Yao Zemana, Emmanuel Jayson V. Bolata, Jeremiah D. Azarraga, John Patrick P. Manio, Maria Graciella F. Musa, Carl Adrienne C. Santos, Karl Serafin S. Jago-on, Christian Ely F. Canaveral
Paunang Salita ni Ramon G. Guillermo

Regular price: 270
Pre-order and launching price: 250

Para sa mga karagdagang detalye, mag-antabay sa Facebook page ng Hinabing Salita, ang tagapaglathala ng mga nasabing aklat: https://facebook.com/hinabingsalita/

Lunsad-Aklat: Constant Retelling: Exploring the Bangsamoro Narrative

Ang Balangiga Press, katuwang ang UP Sandigan para sa Ikauunlad ng Kamalayang maka-Araling Pilipino ay iniimbitahan ang lahat sa paglulunsad ng koleksyon ng sanaysay ni Amir Mawallil na pinamagatang A Constant Retelling: Exploring the Bangsamoro Narrative. Gaganapin ang paglulunsad aklat na ito sa Pandayan Theater, College of Arts and Letters Pavillion 1, University of the Philippines-Diliman sa ganap na alas-tres ng hapon hanggang alas-sais trenta ng gabi.

Bukas ito sa publiko. Kung mayroong katanungan kung paano pumunta sa venue, maaaring magbigay ng mensahe sa Facebook page ng Balangiga Press o kontakin si Jehu Laniog sa numberong 09151905684.

Book launch of children’s stories dealing with history

The Bookmark, Inc. will launch children’s books about the nation’s history on Oct. 17, Wednesday, 5:30 p.m. at the UP Vargas Museum, UP Diliman.

Lakay Billy, Defender of Indigenous People
Written by Luz B. Maranan
Illustrated by Duday Ysabel Maranan

A story about William or Billy Claver, a lawyer who fought the Marcos dictatorship.

Claver joined the Free Legal Assistance Group (FLAG) led by human rights luminaries Jose Diokno and Lorenzo Tañada, which provided legal aid to human rights victims. For almost a decade, Claver bravely enjoined other lawyers in Northern Luzon to join the FLAG and provide pro bono assistance to victims of Martial Law in the cities and provinces.

In the 80s, Claver traveled to far-flung areas in Cagayan and Isabela to extend legal advice and assistance to the marginalized sectors whose human rights were violated by wealthy and powerful landowners and businessmen who were protected by the military. His dedication to the cause of the indigenous peoples of the Cordillera Region made him a constant friend and adviser of indigenous activists and human rights defenders.

Mang Adong’s Jeepney
Written by Tippy O. Kintanar
Illustrated by Jose Maria Tristan V. Yuvienco

It is a story about Leonardo Salvador Sarao Sr., also known as Mang Adong Sarao. He was the founder of Sarao Motors, an automotive company known for designing, manufacturing, and selling Philippine Jeepneys.

At the School Gate
Written by Sandra Nicole Roldan
Illustrated by Nina Martinez

Days after her father disappeared, Ella Cortez sees someone waiting for her at the school gate. Before the night is over, Ella realizes: “This is just like Martial Law happening all over again. The only difference was that no one else knew about it. Just us and Them.” Based on the author’s experiences with her family during martial law and the years after, this story shows there are many different ways to be brave during difficult times.

Passages: UP ARCO’s 20th Anniversary and Reunion Concert

The UP ARCO (formerly known as the UP String Chamber Orchestra) will be holding its 20th Anniversary and Reunion Concert entitled, “Passages” under the baton of master violinist, Prof. Edna Marcil Martinez.

The concert will be held on October 4, 2018 (Thursday), 6:30 p.m. at the Abelardo Hall Auditorium, UP College of Music (UPCMu), Diliman.

The UP ARCO is the String’s Orchestra of the University of the Philippines. Established in 1998, UP ARCO is one of UPCMu’s resident performing groups and has been playing beautiful musical “passages” at concerts for two decades already. Its conductor, Prof. Martinez holds the distinction as the first viola graduate of the UP College of Music.

Tickets cost at PhP 1,000, 700, 500, 300, and 250. For inquiries, kindly look for Ms. Lovely Masaquel at: 981-8500 local 2633 or 0997-7814482.

Paglulunsad ng Ani 40: Katutubo, ang Literary Journal ng CCP

Ilulunsad na ang Ani 40: Katutubo at ito ay gaganapin sa Oktubre 26, 2018 sa Silangan Hall, Cultural Center of the Philippines, Roxas Blvd., Pasay City, alas-5:00 ng hapon ang rehistrasyon. Libre at bukas sa publiko ang paglulunsad. Tampok sa nasabing literary journal ang 130 na manunulat mula sa iba’t ibang kultura sa Pilipinas at ang kanilang 189 na akda. Sa pamamagitan ng Intertextual Division, ang CCP ay nakikiisa sa pagdiriwang ng National Indigenous People’s Month.

Ang natatanging seksiyon na “Kiyatimoan Marawi” ay koleksiyon ng mga akdang isinulat ng mga taga-Marawi. Ibinahagi ng mga manunulat ang kanilang karanasan sa Marawi Siege na nagsimula noong Mayo 23, 2017. Tampok din sa Ani 40 ang likha ng estudyanteng si Jalicareza R. Jamail na nagpapakita ng pagyakap ng isang ina sa kaniyang anak. Isang guro sa Marawi State University ang patnugot ng espesiyal na seksiyon. Ito ay si Almayrah Abbas Tiburon na nagsulat din ng akda tungkol sa kaniyang pagbubuntis sa kabila ng krisis na nangyayari noon.

Ang mga akda ay nasusulat sa mga pangunahing wika sa Pilipinas tulad ng Filipino, Meranaw, Ilokano, Akeanon, Bikol, Bikol-Naga, Chavacano, Kinaray-a, at Ingles. Tampok sa Ani 40 ang mga manunulat na sina: Asral M. Abbas, Lylee Norah M. AbdelGafur, Lualhati Abreu, Tilde Acuña, Raquel Alawi, Rebekah Marohombsar Alawi, Caroline Albarando, Noramera D. Alhabib, Aliah Ali, Vijae Orquia Alquisola, Mark Angeles, Marvin Davila Aquino, Lorna Arejola-Billanes, Abdulazis C. Arumpac, Markus Aserit, Maxine Awingan, Lingling Bacgalang, Mohamad Abdul Hamid A. Bantog, Amroding Tauter Baraiman, Romel M. Barrera, Rind Bawing, Jonel Baybay, Jade M. Baylon, Darren Bendanillo, April Mae M. Berza, Rommel Fabros Bonus, Botong Panday, Niles Jordan Breis, Dalomabi Lao Bula, Regine Cabato, RR Cagalingan, Jose Kervin Cesar B. Calabias, Annabelle M. Calleja, Mary Deane Camua, Ernesto Villaluz Carandang II, F. Jordan Carnice, Bojer B. Capati, Dexter B. Cayanes, Jeline Cayangen, Jose Jason L. Chancoco, Fernando Chávez, Melchor F. Cichon, Andrew Bonifacio L. Clete, Christopher Concha, Clariza Cassandra C. Concordia, Nur-Saleha D. Dadayan, Juliet Damgas, Lawdenmarc Decamora, Jalilah A. Diator, Divina Didican, Norhanie S. Domato-Macarao, Mary Louise Dumas, Norberto C. Ebuen, Francis Murillo Emralino, Raihana Barodi Emran, Dennis Espada, Lesley Joy Masayon Estrella, James M. Fajarito, JennyRose Carbolledo Gacusan, Early Sol Gadong, Luis P. Gatmaitan, JC Gloria, Christine F. Godinez-Ortega, Genaro R. Gojo Cruz, Judith Sulang Icnad, Omarjan Ibrahim Jahuran, Sharifa Sittie Zehanie Mante Jali, Ansherina May D. Jazul, Jeric F. Jimenez, Nat Pardo Labang, Jonalyn Buduan Labrador, Gexter O. Lacambra, Junley Lorenzana Lazaga, Al Joseph Academia Lumen, Ailanne D. Macagaan, Francis C. Macansantos, Noraisah L. Macasimbar, Aslainee T. Macatanon, Christine Marie Lim Magpile, Juliet Malidom, Shur C. Mangilaya, Salamoden M. Mangondaya, Noahlyn Maranan, Jann Dainver L. Maravilla, Cai Mariano, Francisco Arias Monteseña, Mark Dave Nacuray, Vim Nadera, Queen Tashneem U. Nouraldien, Wilhelmina S. Orozco, Pejay Amandy Padrigon, Hedaya D. Pangandag, Jean Pasigon, Ruffaida A. Pendatun, Aldrin P. Pentero, Honesto M. Pesimo, Jr., Morino Pizarro, Allan Popa, Ibrahim Pundato, MJ Rafal, Mohammad Abedin Rasuman, Raymund P. Reyes, Frank Rivera, Marlon Agbayani Rodrigo, Glen Sales, Princess Ann Bajar Sales, David Michael M. San Juan, E. San Juan, Jr., Louie Jon Sanchez, Jahara Abellera Solaiman, John Patrick F. Solano, T.S. Sungkit, Jr., Ariel Sotelo Tabag, Joey A. Tabula, Mubarak M. Tahir, Rem Tanauan, John Iremil Teodoro, Almayrah Abbas Tiburon, Christian Tordecillas, Angela Labiga Torred, Ronald Tumbaga, Nash Tysmans, Jhajha Umpar, Oswald A. Valente, Arnold Matencio Valledor, Marites Viesca, Sheryll V. Villa, Camilo Mendoza Villanueva, Jr., Henry Viray, at Sittie Johairah M. Yusoph.

Si Herminio S. Beltran, Jr. ang Patnugot habang si Louise Adrianne O. Lopez naman ang Katuwang na Patnugot at si Kimberly Ann Nicole V. Lim ang Layout Artist at Art Director. Ang graphic art sa pabalat tampok ang GAMABA (Gawad sa Manlilikha ng Bayan) awardee na si Yabing Masalon Dulo ng komunidad ng B’laan ay gawa ni Marthin Anthony Millado. Ginamit bilang panghati ng libro ang mga visual artwork nina Luce Domini F. Melegrito (estudyante mula sa Philippine High School for the Arts), Jalicareza R. Jamail (estudyante mula sa Marawi), at Juan Franco Sabado (artist mula sa Baguio) at ng Drawing Room.

Mabibili ang Ani 40 nang may diskuwento sa araw ng paglulunsad.

Maaaring makipag-ugnayan kay Kimberly Lim o Marjorie Almazan sa 551-5959, 0919-317-5708, o ccpintertextualdivision@gmail.com.

Kundiman Redux Feat the Ripieno Ensemble

The UP College of Music (UPCMu) will be holding “Kundiman Redux,” the second concert of the AHA Concert Series Season 2 on September 28, 2018 at 7:00 p.m., Abelardo Hall Auditorium, UP College of Music.

The concert will feature the Ripieno Ensemble composed of gifted students and alumni from the UP College of Music. Founded in January 2015, the Ripieno Ensemble is known for its performance on Philippine and Southeast Asian contemporary music. The Ripieno Ensemble is the official ensemble of the Manila Composers Lab (MCL), a non-profit organization established in 2008 comprising young composers dedicated in the development of a new music culture in Southeast Asia.

One of the highlights of the concert is the rendition of Nicanor Abelardo’s Bituing Marikit performed on his very own piano. Adding a modern artistic version of the kundiman, the concert will also feature spoken word artists Sofia Paredes and Bianca Bonifacio.

Tickets cost at PhP 500.00 and 250.00. Students and senior citizens can avail a price discount. For ticket reservations and inquiries, you can call 926-0026 or email: abelardohall.music@gmail.com.

Kataga @10: Isang Dekada ng Masining at Makabuluhang Paglikha

Inaanyayahan ang lahat sa pagdiriwang ng ikasampung anibersaryo ng Kataga, Samahan ng mga Manunulat sa Pilipinas, Inc. sa darating na Setyembre 29, 2018 sa University Hotel, UP Diliman mula 5:00 N.H. hanggang 9:00 N.G.

Itinatag noong 20018, ang Kataga ay binubuo ng kapwa premyado at umuusbong na mga manunulat na nagsusulong ng makabuluhang panitikan at sining. Mayroon itong pitong pinagtibay na sangay – Kataga-Quezon City, Kataga-Manila, Kataga-Manila-South, Kataga-Lucena (Panitikan), Kataga-Lucena (Tanghal), Kataga-Zambales, at Kataga-Online.

Kabilang sa pagdiriwang ang paggawad sa mga nagsipagwagi sa kauna-unahang Gawad Kataga sa Pagsulat ng Dagli, pagpapakilala sa mga unang Halal na Kasapi ng Kataga, at paglulunsad-aklat ni Dr. Reuel Molina Aguila, at ng samahan.

Bukas ang imbitasyon sa lahat ng interesado sa sining at panitikan!

#KATAGAIsangDekada

Soundscapes of Central Europe at the UP College of Music

The Keyboard Department of the UP College of Music (UPCMu) will begin its 2018–2019 concert “Soundscapes of Central Europe” on September 22, 2018 (Saturday), 7:00 p.m., at the Abelardo Hall Auditorium, UP College of Music. It will feature piano ensemble and piano trio works as well as art songs by Czech, Hungarian, Polish, and Slovak composers.

The program includes Rondo for Two Pianos, op.73 by Frédéric Chopin (1810–1849); Hungarian Rhapsody No. 2 S. 244/2 by Franz Liszt (1811–1886); Piano Trio in G Minor, op.15 by Bedřich Smetana (1824–1884); Valsette by Zoltán Kodály (1882–1967); Jazz Sonata for Two Pianos, op. 14 by Alexander Moyzes (1906-1984); excerpts from Slavonic Dances, op. 46 & op. 72 by Antonín Dvořák (1841–1904) and selected art songs by Karol Szymanowski (1882–1937), Franz Liszt and Antonín Dvořák.

The Keyboard Department faculty and Lozada Piano Trio will render the musical performance. The concert is held in honor of the Centennial Independence of the Czech Republic and Poland as well as UPCMu’s partnership with the Visegrad Group, the embassies of the Czech Republic, Hungary, Poland, and Slovak Republic.

Admission is free and open to the public. For seat reservations, please contact, Ms. Amiel Jeremy Diaz by email at: v4manilaculture@gmail.com or call: (02) 811-1155.

Lunsad-Aklat ng ‘Pedestrian at Iba Pang Mga Tula’ ni Gerome Nicolas Dela Peña

Inaanyayahan ang lahat na dumalo sa lunsad-aklat ng librong “Pedestrian at Iba Pang Mga Tula” na gaganapin sa ika-14 ng Setyembre, 2018, mula ika-5 ng hapon hanggang ika-10 ng gabi. Ang lugar ng aktibidad ay sa Kinamat Resto-bar (1342, Col. Guido Street, Binangonan, 1940 Rizal).

Magkakaroon ng mga maikling pagtalakay ang guro at makata na si Gerome Nicolas Dela Peña hinggil sa kasalukuyang papel ng indie/self-publishing sa Philippine literary scene at tatalakayin din niya ang malikhaing proseso sa pagbubuo ng proyektong ito. Ang nasabing event ay magsisilbing isang open mic din para sa mga nagnanais na makapagbahagi ng kanilang mga likhang tula hinggil sa naratibo ng pagtawid at paglalakbay sa iba’t ibang pedestrian lane ng buhay.

Si Gerome Nicolas Dela Peña ay nagtapos ng kursong BSED-Filipino sa Pamantasan ng Lungsod ng Pasig at kasalukuyang nasa ilalim ng programang M.A. sa Filipinolohiya sa Pamantasan ng Lungsod ng Marikina. Naging Pangulo siya ng SamFil (Samahan ng mga Mag-aaral na Nagpapakadalubhasa sa Asignaturang Filipino) at Pangulo rin ng University Student Council noong nasa kolehiyo pa lamang siya. Kasalukuyan siyang guro sa Departmento ng Filipino sa Our Lady of Fatima University – Antipolo Campus. Siya ay ganap na kasapi ng KATAGA (Samahan ng mga Manunulat sa Pilipinas).

Nagwagi na siya ng iba’t ibang karangalan at gantimpala sa pagsulat sa larang ng wika at panitikang Filipino gaya ng Unang Karangalan sa Tagisan ng Makata ng SamFil, Unang Gantimpala sa Pagsulat ng Tula (TANAGA) mula sa Kilometer 64 Writers’ Collective, mga gantimpala sa pagsulat ng tula mula sa KAUSAP (Kapatirang Umuugnay sa Sining at Panitikan) at iba pa. Siya ang may-akda ng librong, “LateLater-Latest (Mga Hugot Kong Laptrip at Badtrip)” na lumabas noong 2016 at ilan sa kanyang mga tula, sanaysay at maikling kwento ay nailathala na rin sa iba’t ibang mga antolohiya at textbooks sa buong bansa.

Kinilala at pinarangalan ng prestihiyosong Saranggola Blog Awards ang kanyang mga tula at sanaysay sa magkasunod na taong 2016 at 2017. Siya rin ay co-editor at contributor ng Pusuan Mo: An Anthology of Literary Works for Millennials na inilathala ng Southern Voices. Naging fellow siya sa tula ng ika-6 na Angono Summer Writers Workshop na ginanap mismo sa Art Capital ng bansa. Bahagi naman ang kanyang mga tula at dagli sa kalalabas lamang na antolohiyang “Tuwing Umuulan” na inilathala ng Kataga-Manila.

Madalas siyang maimbitahan bilang panauhing tagapagsalita sa mga seminar at palihan hinggil sa wika, literatura at pananaliksik sa Filipino sa iba’t ibang paaralan at pamantasan.
Kasalukuyan siyang Pangulo ng DamLay-Institute of Graduate Studies ng Pamantasan ng Lungsod ng Marikina. Kasalukuyan din niyang isinusulat ang isang koleksyon ng mga tula para sa kanyang panggradwadong tesis.

Ang librong Pedestrian at Iba Pang Mga Tula ay nagkakahalaga ng ₱200.00 bilang launch price para sa mga makadadalo at makabibili ng aklat sa mismong araw ng paglulunsad nito. Matapos ang nasabing araw, magiging ₱250.00 naman ang regular price ng libro.

Para mga katanungan hinggil sa nasabing lunsad-aklat, tumawag o mag-text lamang kay G. Gerome Nicolas Dela Peña sa numerong 09466438681 o kontakin lamang siya sa kanyang Facebook account.