Leoncio P. Deriada to launch new book

“His publications are sought after by many in the academe and literary circles not just in the region but throughout the country,” disclosed Noel G. de Leon, founder and publisher of Kasingkasing Press. “These are much anticipated titles that will surely have a big impact on how Ilonggos treasure their linguistic and literary heritage, and how Hiligaynon is being taught and used as a regional language.”

Often regarded as the ‘Father of Contemporary West Visayan Literature’, the vast majority of young writers in the region have gone through his tutelage in the many writing workshops and seminars he has either co-organized or participated in over the years. A seventeen-time recipient of the Carlos Palanca Memorial Awards for Literature, many of his works have been published in literary anthologies and magazines both locally and internationally. Throughout his teaching career, Deriada has been a staunch advocate for the use of local language inspiring many of his protégées to become distinguished writers in Hiligaynon, Kinaray-a and Aklanon apart from Filipino and English. Also touted as the region’s brightest hope for a National Artist Award for Literature, he received the prestigious Gawad CCP Para sa Sining (Panitikan) from the Cultural Center of the Philippines last year showing little sign of slowing down or retiring from his craft.

 LEONCIO P. DERIADA Book Launch SATURDAY . FEBRUARY 27 . 4 PM THE MANGO TREE RESTAURANT 28 Guzman St., Mandurriao, 5000 Iloilo City Presented by Kasingkasing Press and Hubon Manunulat In cooperation with Produkto Lokal Weekend Fair and Youth First Initiative Philippines, Inc.

 

 

Alvin Capili Ursua maglulunsad ng bagong aklat

Mananatiling pagtatangka ang pagtatangka ng isang manunulat na makapag-ambag sa panitikan kung walang pag-aalay sa kanyang kaligiran, sabihin pa, sa kanyang pinananahanan. 
Sa ganitong punto sinisipat ng makatang si Alvin Capili Ursua, kasama ng organisasyong Kataga – Lucena (Panitik at Tanghal), ang paglilimbag ng aklat.

Kaya’t sa darating na Pebrero 12, 2016, 3 n.h., ilulunsad ni Ursua ang aklat niyang Lucena: Dagim at Dagitab sa Maryhill College, Lungsod ng Lucena.

Inaanyayahan ang lahat ng mga gustong dumalo. Magkakaroon ng pagtatanghal ng ilang tula sa pamamagitan ng poetry reading, acoustic performance, at video presentation. Kitakits.

Lucenahim si Alvin Capili Ursua. Siya ang kasalukuyang tagapag-ugnay ng Kataga – Lucena (Panitik) sa Lalawigan ng Quezon. Hinirang siya bilang Makata ng Taon sa Talaang Ginto 2012. Nagwagi rin ang kanyang koleksiyon ng mga Tula (Kumpuni, 2012) at Tulang Pambata (Sisid, 2013) sa Carlos Palanca Memorial Awards for Literature. Naging guro siya sa Calayan Educational Foundation, Inc. Dagdag sa pagiging manggagawang pangkultura, pumapel siya sa entablado bilang Froilan (Isa Pang Soap Opera, 2014) at Toto (Ang Saya-Saya, 2015) sa panulat ni Reuel Molina Aguila, sa direksiyon ni Marco Antonio Rodas. Sa kasalukuyan, nagtuturo siya sa Maryhill College, Lungsod ng Lucena.

Ang Kataga – Lucena ay sangay na binubuo ng dalawang samahan. Sa panig ng Kataga – Lucena (Panitik) o KaLuPa, lumilikha sila ng mga makabuluhang akda mula sa katotohanan at karanasan ng lipunan bilang kanilang ambag sa pagsulong ng lipunang ito; samantalang pinaninindigan ng Kataga – Lucena (Tanghal) o KaLuTang ang pagtatanghal ng mga akda bilang bahagi ng pagiging manggagawang pangkultura. Patuloy ang pagpatatag ng iba pang sangay ng nasabing samahan: Kataga-Manila, Kataga-QC, at Kataga-Online.

 
 
 
 
 

Bagong aklat ni Edel Garcellano, ilulunsad sa PUP

Ito na ang matagal na nating hinihintay, tayong mga taga-hanga ng makata-kritiko na si Edel Garcellano. Tinaguriang isa sa mga pinaka-impluwensyal na intelektuwal ng kanyang panahon subalit nakapagtatakang umuukopa ng  marhinalisadong espasyo sa akademya at panulatan, si Edel Garcellano ay patuloy na nagsusulat bitbit pa rin ang talas, talino at makauring pulitika na trademark ng ng kanyang mga akda. Hindi kalabisan kung sasabihin na bukod tangi si Edel sa larangan ng Panitikang Pilipino.

Sa February 5, ganap na ala-una ng hapon (1PM), sa Hyundai Function Room, Charlie del Rosario Building, ilulunsad ng PUP Center for Creative Writing ang pinakahuling koleksiyon ng mga tula ni Edel na pinamagatang SONS OF NAUJAN: POEMS IN THE LABYRINTH OF TIME

Bukas ang paglulunsad sa lahat ng mga gustong dumalo. May mga magbabasa ng tula at magbibigay naman ng testamento at mensahe ng pakikiisa ang ilan sa mga dating estudyante ni Edel.

 

 

 

 

 

Ikalawang nobela ni Rhod V. Nuncio ilulunsad sa DLSU

Inihahandog ng Bienvenido N. Santos Creative Writing Center, Departamento ng Filipino ng DLSU at Likhaan UP Institute of Creative Writing sa pakikipagtulungan ng Flipside Publishing at Central Books ang lunsad-aklat ng ikalawang nobela ni Rhod V. Nuncio—ang Omnibus at ang misteryo ng nawawalang ulo. Gaganapin ito sa EDC, 13F, Henry Sy Sr. Hall, sa Pebrero 27, 2016 (Sabado), 11:30 n.u. – 2:00 n.h.

“Sa bagong pakikipagsapalaran ni Arvin Villa, nakatanggap siya ng regalong mga aklat mula sa kanyang kasintahang si Lizelle. Ngunit sa di maipaliwanag na dahilan kasama sa kahon ng mga aklat ang isang pugot na ulo na lubos na ikinagulat at ikinabahala ni Arvin. Samantala sa Palasyo ng Malacanañang ay biglang naglahong parang bula ang Pangulo ng Filipinas na si Fomoy. Labis na ipinag-alala ng malalapit na kaibigan niya nang maisip nilang baka kinidnap ang Pangulo. 

Sa tulong ng isang matalino, maganda, makulit at palabang babaeng kongresista na si Rep. Jennilynne Solisidad na nagkataon ding kasintahan ng Pangulo ng bansa, napadpad sila ni Arvin sa National Historical Commission, Fernando Air Base, Abbey of Our Lady of Montserrat hanggang sa CCP Complex upang tuklasin ang katotohanan sa likod ng Omnibus Code. Sa kasagsagan ng kanilang paghahanap ng kasagutan, lumitaw ang recipe ni Quezon, ang tungkol sa nawawalang labi ni Bonifacio, ang larawan ng Hong Kong Junta at ang medalyon ng San Benito. Ano ang kinalaman ng mga ito sa misteryosong pagkatao ni Orlando Iniego? Paano maililigtas ni Arvin si Lizelle sa bingit ng kapahamakan?

Habang masalimuot na nagaganap ang mga kahindik-hindik na pangyayari sa politika ng bansa, naghahanda rin ang Filipinas sa krisis na nilikha ng maligalig na pinuno at militar ng isang karatig-bansa.”

Mga tula ng mga makata sa Filipino mula 1985 hanggang 2015, inilunsad na at muling ilulunsad ng Linangan sa Imahen, Retorika at Anyo

Kasabay ng pagdiriwang ng ika-30 taon ng Linangan sa Imahen, Retorika at Anyo (LIRA) ang paglulunsad ng librong pinamagatang LIRA 30: Tatlong Dekada ng Makatang LIRA. Ito na ang ikaapat na librong inilathala at inilimbag ng nasabing organisasyon. Tampok sa librong ito ang mga tulang ikinatha ng mga makatang LIRA sa loob ng tatlumpung taon. 

Iginawad nina Aldrin Pentero (Pangulo ng LIRA) at RR Cagalingan (Pangalawang Pangulo ng LIRA) ang mga unang kopya ng nasabing libro kina G. Virgilio S. Almario (Pambansang Alagad ng Sining at tagapagtaguyod ng organisasyon), Fidel Rillo (makata at editor ng libro), at Michael Gallego (makata at nagdisenyo ng libro) sa The Oracle Hotel and Residences noong 22 Disyembre 2015.

Sari-saring mga paksa ang tinalakay ng bawat makata sa librong ito: mula sa mga paglilimi sa panahon- “Matapos ang ulan, umiinit/ Ang daigdig, nanlalamig/ An gating mga puso” (mula sa tulang Matapos ang Ulan, Umiinit ni Jerry B. Gracio), mga pinananambitan- “Kung katahimikan ay humahaginit/ Sa silid, sa isip, sa mundong nagulat./ Ang Walang Hanggahan, siyang nakikinig.” (mula sa tulang Naririnig Kaya ni Rebecca Anonuevo), mga muling pagkikita- “Mas mahalaga na nga siguro ang dating hindi mahalaga:/Dahil nagkita tayo at hindi mo naman ako nakilala,/Mas mabuti pang hindi na lamang tayo nagkita.” (mula sa tulang Dahil Hindi Tayo Nagkita ni Giancarlo Abrahan), at mga biling nakasanayang marinig- “Bilin ni Tiya Ana,/ ubusin ang inyong tapsilog,/ huwag magtira kahit kapiranggot./ Kumain nang masigla para maging malusog/ at nang ang inyong katawan ay hindi mahulog.” (mula sa tulang Ang Bisita ni Beverly W. Siy).

Magkakaroon muli ng paglulunsad ng libro sa unang LIRAhan ng taon sa 19 Enero 2016, Martes, alas-7n.g. sa Conspiracy Bar, Visayas Ave., Quezon City. Sa gabing ito, makabibili ng librong LIRA 30 sa halagang 200 pesos, na mas mababa kaysa regular na halaga nitong 250 pesos. Magbabasa rin ng kani-kaniyang mga tula sa libro ang ilan sa mga kasapi. Magbibigay naman ng maikling talumpati ang editor na si Fidel Rillo. Sa pagtatapos ng gabi ay tutugtog ang modern jazz band na Modern Playground. Ang LIRAhan ang buwanang gabi ng tula at musika ng LIRA. Ginaganap ito tuwing ikatlong Martes ng buwan. Ito ay bukas sa publiko.

Upang magkaroon ng librong LIRA 30 at para rin sa mga tanong tungkol sa LIRAhan at sa organisasyon, mangyaring mag-e-mail sa palihanglira@gmail.com o makipag-ugnayan kay Mia Lauengco sa (63) 999 617 3476. 

Ang Linangan sa Imahen, Retorika, at Anyo (LIRA) ay samahan ng mga makatang nagsusulat sa Filipino. Itinatag noong 1985 ng Pambansang Alagad ng Sining para sa Panitikan Virgilio S. Almario (aka Rio Alma), nagsilbi itong matagumpay na linangan ng di iilang batikang makata, tulad nina Victor Emmanuel Carmelo Nadera, Romulo Baquiran Jr., Michael M. Coroza, Roberto Añonuevo, Rebecca Añonuevo, Jerry Gracio, at Edgar Calabia Samar. Noong 2011, kinilala ito bilang isa sa Ten Accomplished Youth Organizations (TAYO) para sa mga gawain ng paglilingkod sa ngalan ng tula ng mga makatang-boluntaryo nito. Taon-taon, nagdadaos ang LIRA ng palihan at klinikang pampanulaan mula Hunyo hanggang Disyembre. Nagsisilbing tagapanayam at umuupo sa workshop ang mga kilala at premyadong makata at manunulat. Para sa higit pang impormasyon, bisitahin ang Linangan sa Imahen, Retorika at Anyo Facebook page (www.facebook.com/PalihangLIRA) o mag-email sa palihanglira@gmail.com