Mga nagwagi sa Gawad Kataga sa Pagsulat ng Dagli

Isang dumadagundong na pagbati sa mga nagwagi sa kauna-unahang Gawad Kataga sa Pagsulat ng Dagli!

Napoleon Arcilla
Unang gantimpala

Christian Paul Camposano (Luci Luz)
Ikalawang gantimpala

Danica B. Matias
Ikatlong Gantimpala

Ang Lupon ng Inampalan ay binubuo nina Jack Alvarez (Stefani J Alvarez) ng Kataga-Online, Eros Atalia, at Isaac Ali Tapar, kasalukuyang Pangulo ng Kataga. Sina Jan Henry M. Choa Jr. at Abby Pariente ang nagsilbing pangkalahatang tagapangasiwa ng Gawad.

Gaganapin sa Sabado, Setyembre 29, ang paggagawad ng tropeo, premyong salapi, at sertipiko sa mga nagwagi. Maraming salamat sa 75 kataong nagpadala ng lahok! Hanggang sa susunod na Gawad! #KATAGAIsangDekada

Paanyaya mula sa KATAGA-QC | Daglian 2018

Inihahandog ng KATAGA-Quezon City ang DAGLIAN 2018: Palihan sa pagsulat ng Dagli.
Inaanyayahan ang mga manunulat edad 17 pataas na nagnanais magbahagi ng mga kuwentong nasa anyong DAGLI. Sali sa isang araw na pag-aaral at palihan sa darating na Setyembre 23, linggo (8 n.u.-5 n.h.)

Makakasama sa DAGLIAN 2018 ang mga premyadong manunulat at guro ng panitikan na sina G. Erick Dasig Aguilar (Palanca-award winner, makata, mandudula at guro sa UP Visayas), Bb. Christine Lim Magpile (copy editor sa UP Press, mananaysay, kuwentista, at manunulat ng mga textbook), at G. John Toledo (mananaysay at guro sa UP Los Banos) upang ibahagi ang kanilang karanasan sa panulat, at tumulong sa pagpapahusay ng mga manunulat sa sining ng DAGLI.

Paano sumali?

1. Maghanda ng isa hanggang dalawang DAGLI na hindi lalampas sa dalawang pahina. Malaya ang paksa at temang lalamanin ng DAGLI. Lagyan ng pamagat ang ipapasang mga akda.

2. Gumamit ng 12 points, Arial, doubled-spaced, 8.5 x 11 ang sukat ng pahina at may 1” margin sa lahat ng gilid. I-save ito sa .doc o .docx na file gamit.

3. Lakipan ng pangalan, edad, tirahan, email address at contact information (cellphone number) ang inyong ipapasang akda.

4. I-email ito sa daglian2018@gmail.com

Mayroong P500.00 na registration fee ang palihan para sa pagkain, mga materyales ng lektura, sertipiko at literary folio (na ipapamahagi o ipapadala sa Setyembre 29, anibersaryo ng KATAGA).
Para sa karagdagang impormasyon, mag-email lamang sa daglian2018@gmail.com o magtungo sa facebook.com/kataga.lit/

Panawagan para sa mga dagli: Pag-ibig na pumupuslit, relasyon na isang saglit

Inaanyayahan ang lahat na magpasa ng kanilang akdang DAGLI (mala-dagling sanaysay, mala-dagling kuwento at/o eksperimental na anyo man) para sa antolohiyang Silip: Pagpuslit sa mga Espasyo.

Ang mga dagli ay maaaring umikot sa mga temang pag-ibig na pumupuslit, relasyon na isang saglit (nasa itaas), erotikong relasyon, atbp usaping sekswal / sekswalidad na katulad din ng dagli — maigsi ngunit tiyak ang iniiwan na lalim o hindi kaya’y sugat.

Maaaring ipasa ang mga entri o mga katanungan sa silipsaglit@gmail.com (Format: Arial, 11, double-space, letter size na bond paper, na may maiksing pagpapakilala sa may-akda sa huling pahina) hanggang Nobyembre 21, 2014. Maaaring magpasa ng tatlo hanggang limang dagli (inirerekomendang hindi lalampas sa dalawang pahina ang bawat dagli). Maaari ring bisitahin ang official facebook page nito: https://www.facebook.com/silipsaglit

Dahil maraming kuwentong nabubuo sa isang saglit.

Dahil maraming naririnig na naratibo ang mga espasyo.